პრეზიდენტი „ქართულ ოცნებას“ მოუწოდებს, შეასრულოს წინასაარჩევნო დაპირებები, ხოლო თვითონ გააგრძელებს სამი წლის წინ დადებული ფიცის შესრულებას,-ასე გამოეხმაურა პრეზიდენტის ადმინისტრაციის პრესსპიკერი, მედიით გავრცელებულ ინფორმაციას იმის შესახებ, რომ პარლამენტში საკონსტიტუციო უმრავლესობის მოპოვების შემთხვევაში, შესაძლებელია მმართველმა გუნდმა კონსტიტუციაში ცვლილება შეიტანოს და პრეზიდენტის ინსტიტუტის პირდაპირი წესით არჩევა გააუქმოს. საკონსტიტუციო უმრავლესობის მოსაპოვებლად, „ქართულ ოცნებას“ პარლამენტში 150 მანდატიდან 113 სჭირდება. კონსტიტუციონალისტები და არასამთავრობო ორგანიზაციების ნაწილი ფიქრობს, რომ ასეთ შემთხვევაში მმართველ პარტიას კონსტიტუციაში ნებისმეირი ცვლილების განხორციელების საშუალება მიეცემა.
| 
