წინასაარჩევნო კამპანიის ფარგლებში,  ქართული ოცნების მაჟორიტარი დეპუტატობის კანდიდატმა გორის მუნიციპალიტეტში მოსახლეობასთან შეხვედრები დაიწყო. თემურ ხუბულური სოფელ ტყვიავის მოსახლეობას შეხვდა. ის ადგილზე არსებულ ვითარებას გაეცნო, მოსახლეობის პრობლემები მოისმინა და არჩევნებში გამარჯვების შემთხვევაში მათ მოგვარებას დაჰპირდა. ასევე ისაუბრა „ქართული ოცნების“ ხელისუფლებაში ყოფნის პერიოდში გატარებულ რეფორმებზე.