მცოცავი ოკუპაცია გრძელდება-საოკუპაციო რეჟიმის წარმომადგენლებმა გორის მუნიციპალიტეტის სოფელ სობისში ორი ადგილობრივის, შალვა და მერაბ ჩილინდრიშვილების კუთვნილ ნაკვეთზე ხორბლის მოსავლის აღება დაიწყეს. ადგილობრივების ინფორმაციით, შეიარაღებულმა ფორმიანებმა რამდენიმე დღის წინ აღნიშნული ტერიტორია, 6 ჰექტარი მიწა შემოსაზღვრეს, დღეს დილიდან კი კომბაინები შეიყვანეს. ადგილზე იმყოფებოდა გორის მუნიციპალიტეტის გამგებელი დავით ონიაშვილი, რომელიც სიტუაციას გაეცნო. არსებული მდგომარეობის შესახებ ყველა შესაბამისი სამსახური და საერთაშორისო ორგანიზაციები საქმის კურსში არიან.