"წინასაარჩევნო დისკუსია პოლიტიკურ პარტიებთან ბავშვთა საკითხებზე“ -  ამ სახელწოდების შეხვედრა გაიმართა გორში გაეროს ბავშვთა ფონდის იუნისეფის ორგანიზებით. შეხვედრაზე პოლიტიკური პარტიების წარმომადგენლებმა დამსწრე საზოგადოებასთან იმ წინასაარჩევნო გეგმებზე ისაუბრეს რომელიც უშუალოდ მცირეწლოვანთა კეთილდღეობაზე და მათი უფლებების დაცვაზე იქნება ორიენტირებული. იუნისეფის და დემოკრატიული ჩართულობის ცენტრის ორგანიზებით მსგავსი სახის შეხვედრები საქართველოს რეგიონებში სამომავლოდაც გაგრძელდება.