ხმაური იყო ბათუმში, „ნაციონალური მოძრაობის“ ოფისთან. პარტიის საწინააღმდეგო აქცია პოლიტიკურმა გაერთიანებამ „ჩვენი სამშობლო“ გამართა. აქციაზე იმყოფებოდნენ გია კორკოტაშვილი და ტრისტან წითელაშვილიც. აქციის მონაწილეებმა ოფისის წინ მიხეილ სააკაშვილისა და ფეთჰულა გიულენის ფიტულები დაწვეს. მათი თქმით, გიულენი „ნაციონალურ მოძრაობას“ აფინანსებდა. გაერთიანების წევრები „ნაციონალური მოძრაობის“ გასამართლებას  და აკრძალავს ითხოვენ. აქციის მონაწილეებსა და „ნაციონალური მოძრაობის“ მხადამჭერებს შორის სიტყვიერი და ფიზიკური დაპირისპირება მოხდა. ადგილზე მობილიზებულნი იყვნენ სამართალდამცველები. დაკავებულია აქციის ერთი მონაწილე.