საგარეო საქმეთა სამინისტროში, სტამბოლის საერთაშორისო აეროპორტში მომხდარ აფეთქებასთან დაკავშირებით  ბრიფინგი გაიმართა.  დავით ჯალაღანიას განცხადებით თურქული მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს, თუმცა მონაცემები შეიძლება ნებისმიერ დროს შეიცვალოს.  მისივე განცხადებით სტამბოლში საქართველოს გენერალური საკონსულოს დახმარებით ათათურქის აეროპორტში მყოფი საქართველოს მოქალაქეები საქართველოს პრემიერ-მინისტრის უშუალო მითითებით გადაყვანილია  სტამბოლის სასტუმროებში, ამათგან დაახლოებით 60 მგზავრს საქართველოს მთავრობა აუნაზღაურებს სასტუმროს ხარჯებს. თურქული მხარის ინფორმაციით დღეს თურქეთის დროით 17:00 სთ-დან ათათურქის საერთაშორისო აეროპორტში აღდგება ფრენები.