ხმაურია გორის მუნიციპალიტეტის სოფელ ძევერაში ამის შესახებ ადგილიდან "დიას" კორეპონდეტი თამარ ადვაძე იტყობინება. არსებული ინფორმაციით ასამდე ადგილობრივი ექვსი ჰექტარი მიწის ფართობის გასხვისებას აპროტესტებს, მათი განცხადებით ეკონომიკის სამინისტრომ მიწები რომელსაც ისინი საძოვრებად იყენებდნენ 2012 წელს გაასხვისა. მათ კი ამის შესახებ გუშინ შეიტყვეს, როდესაც მესაკუთრემ მიწის დამუშავება დაიწყო. აქციის მონაწილეებმა გზა ცოცხალი ჯაჭვით სოფლის შესასვლელში ჩაკეტეს და არც მიმდებარე სოფლებში მიმავალ ავტომობილებს არ აძლევდნენ გადაადგილების უფლებას. ძევერელებმა გზა მას შემდეგ გახსნეს, რაც მათთან გუბერნატორის მოადგილეები და გამგეობის წარმომადგენლები მივიდნენ. დეტალებს "დიას" მაყურებელი 16:00 საათიან საინფორმაციო გამოშვებაში იხილავს.