ტელეკომპანია „რუსთავი 2"-ის 9-პროცენტიანი წილის მფლობელის, ნინო ნიჟარაძის ადვოკატმა გიორგი ყავლაშვილმა გენერალურ პროკურატურაში ნიკა გვარამიას წინააღმდეგ საჩივარი შეიტანა.

ნინო ნიჟარაძე ტელეკომპანიის დირექტორის მიერ უფლებამოსილების ბოროტად გამოყენების მუხლით გამოძიების დაწყებას ითხოვს.

ადვოკატ გიორგი ყავლაშვილის განცხადებით, ნინო ნიჟარაძე 2014 წლიდან ფლობს წილს რუსთავი 2-ში და 2014 წლიდან არ მიუღია დივიდენდი, შემოსავალი. ყურადღება მისი მისამართით არ ყოფილა. ის ითხოვდა წილის გასხვისებას, თუმცა ამის ნებართვა არ მიეცა. პარტნიორების უფლებები ისე გამოიყენეს, რომ მან აღნიშნული თანხებით იზარალა.

მისივე თქმით, ნიკა გვარამიამ მიიღო ისეთი ფინანსური გადაწყვეტილებები, რომელმაც ზიანი მიაყენა კომპანია „რუსთავი2"-ს.

წყარო: პრაიმტაიმი