საქართველოს ნაკრების კაპიტანმა ჯაბა კანკავამ ძმებს, რომლებიც დედის დასახმარებლად ფულს აგროვებენ, თანხა გადაურიცხა. ამის შესახებ სოციალურ ქსელში ერთ-ერთი ძმა რატი ქართველიშვილი წერს.
ძმები კანკავას მხარდაჭერისთვის მადლობას უხდიან.
შეგახსენებთ, რომ თბილისის ქუჩებში ტაქსი გამოჩნდა, რომელსაც სტიკერი აქვს წარწერით #მაიასთვის. მაია ქართველიშვილის შვილები დედისთვის ცდილობენ სამკურნალო თანხის შეგროვებას. ამის შესახებ მაია ქართველიშვილის შვილი, ნიკა ქართველიშვილი წერს.
54 წლის ქალი ამჟამად თურქეთში, ერთ-ერთ კლინიკაში იმყოფება. მისი სიცოცხლის გადასარჩენად ამ ეტაპზე საჭიროა 150 000 დოლარი. ამ თანხის შეგროვებას მაიას შვილები ტაქსისა და ქველმოქმედების საშუალებით ცდილობენ.