მცხეთაში 35 წლის ქალი დაიღუპა - ოჯახი ექიმებს ადამაშაულებს
მცხეთაში, „ჯეო ჰოსპიტალში" ახალგაზრდა ქალის გარდაცვალებაში ოჯახის წევრები ექიმებს ადანაშაულებენ. გარდაცვლილი 35 წლის მადონა სუთიძეა.ოჯახის წევრების თქმით, მცხეთის „ჯეო ჰოსპიტალში" პაციენტი ნაღვლის ბუშტის ოპერაციის გართულების გამო შეიყვანეს და მისთვის მეორე ოპერაციის გაკეთება იგეგმებოდა.ნათესავების ინფორმაციით, მათ ორი დღის განმავლობაში პაციენტის შესახებ სრული ინფორმაცია არ ქონდათ, მოგვიანებით კი სხვა პაციენტებისგან შეიტყვეს, რომ მადონა სუთიძეს სახის არეში მრავლობითი მოტეხილობები ჰქონდა მიყენებული.ამის შემდეგ, როგორც გარდაცვლილის ახლობლები ყვებიან, ისინი რეანიმაციის განყოფილებაში შევიდნენ და ექიმებისგან პაციენტის შესახებ ინფორმაცია მოითხოვეს.მათივე თქმით, ექთნების ნაწილის მტკიცებით, მადონა სუთიძემ დაზიანება ტუმბოზე დაცემის შედეგად მიიღო, მედპერსონალის ნაწილმა კი განაცხადა, რომ პაციენტის დაზიანებები მის აგრესიულ ქცევას უკავშირდება.ახლობლებმა დაზიანებების ამსახველი ფოტოსურათებიც წარადგინეს, სადაც ახალგაზრდა ქალს თავი სახვევებით აქვს დაფარული.ოჯახის წევრები აცხადებენ, რომ მათთვის უცნობია, რეალურად რა მოხდა რეანიმაციულ განყოფილებაში და რა პირობებში მიიღო პაციენტმა დაზიანებები. ისინი ქალის გარდაცვალების რეალური მიზეზის დადგენას ითხოვენ.ოჯახის ინფორმაციით, პროკურატურას და ჯანდაცვის სამინისტროს მომხდარის შესახებ ფაქტის გაგების დღესვე, 17 ივლისს აცნობეს. გარდაცვლილის ახლობლებს პრეტენზიები აქვთ ღუდუშაურის კლინიკის ქირურგის მიმართაც, რომელმაც 9 მაისს პაციენტს ნაღვლის ბუშტის ოპერაცია გაუკეთა.მადონა სუთიძის მულის დინარი ბლიაძის თქმით, ოპერაცია არასათანადოდ ჩატარდა. პაციენტი დღეს დილით გარდაიცვალა, ცხედარს ექსპერტიზა სამხარაულის სახელობის ეროვნულ ბიუროში უტარდება.წყარო: პირველი არხი
გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯია“-ს ქსელში ჩართულ აბონენტებს
გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯია“-ს ქსელში ჩართულ აბონენტებს
გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯია“-ს ქსელში ჩართულ აბონენტებს
მარტი 2024
ორშ.სამშ.ოთხშ.ხუთშ.პარას. შაბათიკვირა
26272829123
45678910
11121314151617
18192021222324
25262728293031