თუ 1 დოლარის ფასი 3 ლარს გასცდება, უნდა გადადგეს მთავრობაც და ეროვნული ბანკის ხელმძღვანელობაც

ეროვნული ბანკის პრეზიდენტი კობა გვენეტაძე ლადო გუდიაშვილის ნახატივითაა, ქალი წევს ტივზე და ბედს მინდობილია, – ამის შესახებ „ინტერპრესნიუსს” ფრაქცია „ნაციონალური მოძრაობის” თავმჯდომარემ, ეროვნული ბანკის ყოფილმა პრეზიდენტმა რომან გოცირიძემ ლარის გაუფასურებასთან დაკავშირებით განუცხადა. გოცირიძის განცხადებით, ლარის კურსი იმ არასწორი პოლიტიკის შედეგია, რომელსაც ხელისუფლება წლებია ატარებს.

ოპოზიციონერი დეპუტატის თქმით, თუ ერთი დოლარის ფასი 3 ლარს გასცდება, უნდა გადადგეს ხელისუფლებაც და ეროვნული ბანკის ხელმძღვანელობაც.

„არაფერი გაუკეთებია, გვენეტაძე ლადო გუდიაშვილის ნახატივითაა, ქალი წევს ტივზე და ბედს მინდობილია. მიაქანებთ მდინარე, როდის გადაიჩეხებიან ელოდებიან. ასეთი უსუსური, არაპროფესიონალი და კორუმპირებულები არიან. თუ ლარის კურსი გადასცდება სამს, უნდა გადადგეს მთავრობაც და ეროვნული ბანკიც, რადგან მათ არაფერი უმოქმედიათ ქვეყანაში. რასაც აფუჭებდნენ შვიდი წელი, იმას შვიდ დღეში ვერ გამოასწორებენ” ,- განაცხადა რომან გოცირიძემ.

წყარო: ipn

ოქტომბერი 2019
ორშ.სამშ.ოთხშ.ხუთშ.პარას. შაბათიკვირა
30123456
78910111213
14151617181920
21222324252627
28293031123