"უპრეცენდენტო მოვლენა" - კალაძე დღევანდელ გადაწყვეტილებას აფასებს
2020 წელს არჩევნების პროპორციული წესით ჩატარებას „ქართული ოცნების“ გენერალური მდივანი, კახი კალაძე უპრეცენდენტო მოვლენად აფასებს.

კახი კალაძე დარწმუნებულია, რომ ახალი რეფორმის პირობებშიც კი, როდესაც პროპორციული წესით ჩატარდება არჩევნები და ნულოვანი ბარიერი იქნება, „ქართული ოცნება“ ძალიან დიდ მხარდაჭერას მიიღებს.

„ასევე, ყველაზე მნიშვნელოვანი არის ის, რომ ბარიერი საერთოდ უქმდება, რითაც ჩვენ ყველა პოლიტიკურ პარტიას ვაძლევთ შესაძლებლობას, თუ საზოგადოების მხრიდან ექნებათ მხარდაჭერა და თანადგომა, რა თქმა უნდა, მოხვდნენ პარლამენტში და პარლამენტში დააფიქსირონ თავიანთი ხმა სხვადასხვა საკითხებზე. მგონია, რომ ეს ჩვენ მოგვცემს იმის შესაძლებლობას, რომ სხვადასხვა პოლიტიკური შეხედულების მქონე ადამიანებს, ეყოლებათ თავიანთი წარმომადგენლები საქართველოს პარლამენტში. მე მგონია მაინც, რომ პარტია ქართულ ოცნებას, ამ რეფორმის ფარგლებშიც ექნება ძალიან დიდი მხარდაჭერა,“ - განაცხადა კალაძემ.

რაც შეეხება, 20 ივნისს განვითარებულ მოვლენებს და აქციის მონაწილეთა ერთ-ერთ მთავარ მოთხოვნას, გადადგება თუ არა შს მინისტრი, ამაზე კალაძე ამბობს, რომ მის გადადგომაზე დღეს არ უმსჯელიათ. გიორგი გახარია ასევე არ ესწრებოდა არც პოლიტსაბჭოს და არც საპარლამენტო უმრავლესობის სხდომას, რაზეც კალაძემ თქვა, რომ შს მინისტრს დასწრების ვალდებულება არ ჰქონდა. 

„ყველაზე მთავარი და მნიშვნელოვანი არის ის, რომ ყველა პოლიტიკური პარტია, ვინც კონსტიტუციის ფარგლებში ხედავს ქვეყნის მომავალს და განვითარებას, ჩვენ მზად ვართ დიალოგისთვის და სასესიო კვირის ბოლოს დაიწყება უკვე განხილვები ამ რეფორმასთან დაკავშირებით,“ - განაცხადა კალაძემ. 
"გიორგი ხოჯევანიშვილი უკონკურენტოა და ის არჩევნების პირველივე ტურში გაიმარჯვებს“ - გორის მერი 24.07.2020
როგორ აპირებს ამომრჩევლის ნდობის მოპოვებას გორი-კასპის მაჟორიტარობის კანდიდატი - გიორგი ხოჯევანიშვილი "დია“-ს კითხვებს უპასუხებს 23.07.2020
გორისა და კასპის მაჟორიტარობის კანდიდატმა გიორგი ხოჯევანიშვილმა პირველი კომენტარი გააკეთა 21.07.2020
აგვისტო 2020
ორშ.სამშ.ოთხშ.ხუთშ.პარას. შაბათიკვირა
272829303112
3456789
10111213141516
17181920212223
24252627282930
31123456