პრემიერმინისტრ მამუკა ბახტაძის განცხადებით, საქართველოში პრობლემა, რომელიც საზოგადოებას რეალურად აწუხებს, დეოკუპაცია და სიღარიბეა, ლგბტქ ჯგუფების ირგვლივ შექმნილ ვითარებას კი პრემიერი მიიჩნევს, რომ ეს საკითხი ხელოვნურად არის მოხვეული საზოგადოებაზე და არ ფიქრობს, რომ ეს პრობლემური თემაა.მისი თქმით, საქართველოში ყველა ადამიანის უფლება დაცულია და სახელმწიფოს ყველა მოქალაქის უსაფრთხოების დაცვის ვალდებულება აქვს. „ხდება ამ პრობლემის გაზვიადება საქართველოში. ჩვენ გვაქვს საკანონმდებლო ჩარჩო, რომლის მიხედვითაც ყველა ადამიანის უფლება დაცულია. პრობლემები გვაქვს - დეოკუპაცია და სიღარიბე, რაც ქართულ საზოგადოებას აწუხებს“, - განაცხადა მამუკა ბახტაძემ. შსს-მ ლგბტქ პრაიდის წინააღმდეგ ლეგიონის შექმნის შესახებ ლევან ვასაძის განცხადების შემდეგ გამოძიება დაიწყო.
|