გორის მუნიციპალიტეტის გამგებელმა, დავით ონიაშვილმა თანამდებობა დატოვა. ამის შესახებ ინფორმაცია წყარომ დღეს მოგვაწოდა. ჯერჯერობით გაურკვეველია რას უკავშირდება მისი გადაწყვეტილება. ამ ინფორმაციას  არც უარყოფენ და არც ადასტურებენ გორის მუნიციპალიტეტის გამგეობის თანამშრომლები. ამ თემაზე განცხადება, შესაძლოა, ხვალ გაკეთდეს. ჩვენი ინფორმაციით, დავით ონიაშვილი დღეს  სამსახურშიც არ გამოცხადებულა.

იმ შემთხვევაში, თუ გამგებლის გადადგომა ოფიციალურად დადასტურდა, თანამდებობები, შესაძლოა, მისმა მოადგილეებმაც დატოვონ.  „დიასთან“ საუბრის დროს, ალექსი ვეშაპური ამბობს, რომ მას ონიაშვილთან დღის განმავლობაში არ უსაუბრია. რაც შეეხება მის მიერ თანამდებობის შესაძლო დატოვებას, ამაზე საუბრისგან ჯერჯერობით თავი შეიკავა.

დავით ონიაშვილი გორის მუნიციპალიტეტის გამგებლის თანამდებობაზე 2014 წლიდან ამ დრომდე იმყოფებოდა.