დევნილთა და განსახლების მინისტრმა სოზარ სუბარმა მესტიის მუნიციპალიტეტის სოფლების ჭუბერისა და ნაკრის სკოლებს, სპორტული ინვენტარი ჩაუტანა. საჯარო სკოლების ფრენბურთის გუნდები, სპორტული ინვენტარის არ არსებობის მიუხედავად, გასულ წელს რაიონის ჩემპიონები გახდნენ და რეგიონალურ ტურნირზე საპრიზო ადგილები მოიპოვეს. დევნილთა და განსახლების სამინისტროს შუამდგომლობით, სპორტისა და ახალგაზრდობის საქმეთა სამინისტრომ ჭუბერისა და ნაკრის სკოლების მოსწავლეებისთვის ფრენბურთის ბადეები, ტენისის მაგიდები, ბურთები და სხვა სპორტული ინვენტარი გამოყო.
