თელავის რაიონში, ავტოსაგზაო შემთხვევის შედეგად, ღრმა ხევში გადავარდნილი ავტომანქანიდან მაშველებმა 2 არასრულწლოვნის ცხედარი ამოიყვანეს. შემთხვევა თორღვას აბანოს მიმდებარე ტერიტორიაზე  მოხდა, სადაც ავტომანქანა გზის სავალი ნაწილიდან გადავიდა და ხევში გადავარდა. მაშველებმა და პოლიციელებმა 80 მეტრის სიღრმიდან 4 ადამიანის ამოყვანა შეძლეს. სამაშველო ოპერაციის შესრულების დროს, ერთი მაშველიც დაშავდა. ავტომანქანაში ისრაელის მოქალაქეები იმყოფებოდნენ. შინაგან საქმეთა სამინისტროს ინფორმაციით, გამოძიება ტრანსპორტის მოძრაობის უსაფრთხოების ან ექსპლუატაციის წესების დარღვევის ფაქტზე მიმდინარეობს.