გორის რაიონულმა სასამართლომ მაჟორიტარი დეპუტატობის კანდიდატის ირაკლი ოქრუაშვილისთვის ცეცხლის გახსნის საქმეზე ბრალდებულ ალექსანდრე ინდუაშვილს, იგივე „ხამსას“აღკვეთის ღონისძიების სახით პატიმრობა შეუფარდა. გადაწყვეტილება მოსამართლე შალვა კაკაურიძემ დღეს გამართულ პროცესზე გამოაცხადა. სასამართლომ აღნიშნული გადაწყვეტილება პროკურატურის შუამდგომლობის საფუძველზე მიიღო.შეგახსენებთ, გორის მაჟორიტარი დეპუტატობის კანდიდატს, ირაკლი ოქრუაშვილს ცეცხლი 2 ოქტომბერს სადგურის დასახლებაში ამომრჩეველთან შეხვედრის დროს გაუხსნეს, რის შედეგადაც მისი დაცვის წევრი და კოორდინატორი დაიჭრა. 2 პირის დაჭრაში ბრალდებული ალექსანდრე ინდუაშვილი მიმალული იყო. ის სამართალდამცველებს მომხდარიდან 2 დღეში ჩაბარდა. დაკავებული ჩადენილ დანაშაულს აღიარებს.
| 
