სოფელ წეროვანში, ინსტიტუტის დასახლებაში მცხოვრებლები ადგილობრივ ხელისუფლებას უყურადღებობაში ადანაშაულებენ და წლების განმავლობაში დაგროვილი პრობლემების მოგვარებას ითხოვენ. ინსტიტუტის დასახლების მთავარ პრობლემას, ადგილობრივების თქმით, სანიაღვრე სისტემების გაუმართაობა წარმოადგენს. ყოველი წვიმის დროს საცხოვრებელი კორპუსების სარდაფები წყლით ივსება, რაც მათივე ვარაუდით, შესაძლებელია, საძირკვლის დაზიანების მიზეზი გახდეს.