გორის საქალაქო სასამართლოში ზვიად ფეიქრიშვილის საქმეზე სასამართლო სხდომა გადაიდო.  იმის გამო, რომ ახლადდანიშნული პროკურორი საქმის დეტალებს არ ფლობდა და თანაც, როგორც თავად თქვა 13 სექტემბრის ნაცვლად, სასამართლო სხდომა ეგონა, რომ 19 სექტემბერს უნდა გამართულიყო. ზურაბ წერეთელმა პროცესზე არც შესაბამისი არგუმენტები წარადგინა და არც მოწმეები მიიყვანა. მოქალაქე ზვიად ფეიქრიშვილი სამართალდამცველებს მის მიმართ დიზიკურ ძალადობაში სდებს ბრალს, როგორც თავად ამბობს აღნიშნული ინციდენტის წინაპირობა მისი მეუღლის მისამართით, პოლიციის ერთ-ერთი თანამშრომლის შეურაცხმყოფელი საქციელი იყო, რის გამოც პროტესტი გამოთქვა, ამას კი პოლიციელების მიერ უფლებამოსილების ბოროტად გამოყენება მოჰყვა. შემთხვევა 2015 წლის 4 აპრილს მოხდა. ფეიქრიშვილის სამართლებრივ ინტერესებს ადამიანის უფლებათა ცენტრის იურისტი, ეკა ქობესაშვილი იცავს. მომდევნო სასამართლო სხდომა მოსამართლე ლევან დარბაიძემ 29 სექტემბერს ჩანიშნა.