საპარლამენტო არჩევნების შემდეგ, ამერიკის შეერთებულ შტატებში საქართველოს ელჩის პოსტს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე დაიკავებს - ამის შესახებ საქართველოს პრემიერ-მინისტრმა ევროინტეგრაციის კომისიის სხდომის დაწყების წინ განაცხადა. გიორგი კვირიკაშვილის განმარტებით, ელჩის კანდიდატურის შესახებ გადაწყვეტილება უკვე მიღებულია, რასაც წინ უძღოდა კონსულტაციები საქართველოს პრეზიდენტთან.