ჯანდაცვის სამინისტრომ ელექტრონულ რეცეპტებთან დაკავშირებით ფარმაცევტებისთვის ტრენინგი გამართა. მონაწილეებს ჯანდაცვის სამინისტროს წარმომადგენლებმა ელექტრონული რეცეპტის მოხმარების ინსტრუქცია დეტალურად გააცნეს. სასწავლო კურსის მიმდინარეობას ჯანდაცვის მინისტრის მოადგილე, ნინო ბერძული დაესწრო. მისი განცხადებით 1 თვის მონაცემებით დღეში დაახლოებით 100 ელექტრონული რეცეპტი იწერება, რაც საკმაოდ კარგი დასაწყისია და ოქტომბრის ბოლოსთვის თბილისის მასშტაბით სისტემაში 250 სააფთიაქო დაწესებულება იქნება ჩართული. ელექტრონული რეცეპტი საქართველოს ყველა სამკურნალო და სააფთიაქო დაწესებულებაში ეტაპობრივად გავრცელდება და ყველა მსურველს ცხელ ხაზზე დარეკვით სისტემაში ჩართვის შესაძლებლობა მიეცემა. თავდაპირველად ელექტრონულ რეცეპტზე გადასვლა ნებაყოფლობით, შემდგომში კი სავალდებულო გახდება.