ორფოლოს სამხედრო სასროლეთზე მრავალეროვნული სწავლების საველე ნაწილი  მიმდინარეობს.  საველე სწავლების სცენარის მიხედვით, სამხედროები თავდასხმით და თავდაცვით ოპერაციებს აწარმოებენ. სამხედრო ქვედანაყოფები წვრთნებს ტაქტიკური თავმოყრის რაიონის დაკავებაში, პირდაპირი და არაპირდაპირი ცეცხლის მართვაში, კომბინირებული შეიარაღების ინტეგრირებაში, საცეცხლე მომზადებაში და სხვა საკითხებში გადიან.  მრავალეროვნული სწავლების საველე ნაწილი 4 ეტაპად წარიმართება. სამხედრო წვრთნების მიზანი ამერიკის შეერთებულ შტატებთან და პარტნიორ ქვეყნებთან ურთიერთქმედების დახვეწა, რეგიონში უსაფრთხოების მხარდაჭერა, თავდაცვით და თავდასხმითი ოპერაციებში უნარ-ჩვევების გაუმჯობესება, ასევე აშშ-სა და პარტნიორ ქვეყნებთან ურთიერთთანამშრომლობის შენარჩუნება და გაღრმავებაა.