შოთა მესხიას ზუგდიდის სახელმწიფო სასწავლო  უნივერსიტეტში  პრეზიდენტი გიორგი მარგველაშვილი  სტუდენტებს შეხვდა. შეხვედრა კითხვა-პასუხის რეჟიმში წარიმართა, ადგილობრივმა სტუდენტებმა პრეზიდენტს დაუსვეს კითხვები საარჩევნო გარემოსთან, არ შემდგარ რეფერენდუმთან, პოლიტიკოსების მუდმივ დაპირისპირებასთან დაკავშირებით. პრეზიდენტი  კორცხელის ინციდენტსაც შეეხო და მას  სამარცხვინო ფაქტი უწოდა. გიორგი მარგველაშვილმა საქართველოს პრეზიდენტის საარეზერვო  ფონდის დაფინანსებით, შოთა მესხიას უნივერსიტეტში სამართლის საბაკალავრო პროგრამა გახსნა, რომელიც "რეგიონული უნივერსიტეტის მხარდაჭერის" პროექტის ფარგლებში ხორციელდება, ხელი მოეწერა უნივერსიტეტისა და პრეზიდენტს შორის  ერთობლივ მემორანდუმს. ურთიერთთანამშრომლობის მემორანდუმი ისეთი ერთობლივი ღონისძიებების დაგეგმვასა და განხორციელებას ითვალისწინებს, რომლებიც მიმართული იქნება უმაღლესი განათლების ხარისხის ამაღლების, ახალი თაობების სრულფასოვანი აღზრდის ხელშეწყობის და მათი წახალისების, სამოქალაქო საზოგადოების ჩამოყალიბებისა და სახელმწიფოებრივი ღირებულებების განმტკიცებისაკენ.