თბილისში აბუსერიძის ქუჩაზე წუხელ, გვიან ღამით, გაჩენილი ხანძრის შედეგად 800-მდე კვადრატული მეტრი ფართობი დაიწვა. ცეცხლი ბამბის საამქროში გაჩნდა და საწყობებთან მდებარე ერთ-ერთ სტამბაზეც გადავიდა. ხანძრის ლოკალიზებას რამდენიმე საათის განმავლობაში 13 სახანძრო ბრიგადა ცდილობდა. ერთ-ერთი დაზარალებული ვარაუდობს, რომ ცეცხლი ელექტროგაყვანილობისგან გაჩნდა. ისინი დახმარებას ხელისუფლებას სთხოვენ. გვიან, ღამით, ადგილზე იმყოფებოდნენ დედაქალაქის მერიის და გამგეობის წარმომადგენლები. მათი თქმით, შესაბამისი ექსპერტიზის და საგამოძიებო მოქმედებების შემდეგ ზარალის ზუსტი რაოდენობა გახდება ცნობილი.
| 
