სოფლის მეურნეობის სამინისტროს შპს „საქართველოს მელიორაცია“ წეროვანის დევნილთა დასახლების სარწყავი წყლით უზრუნველყოფის მიზნით საირიგაციო ქსელის მოწყობის პროექტს იწყებს. ადგილობრივებს პროექტის შესახებ ინფორმაცია თავად ინიციატორებმა გააცნეს. შევედრას დევნილთა და განსახლების მინისტრი სოზარ სუბარი, სოფლის მეურნეობის მინისტრის მოადგილე დავით გალეგაშვილი, მცხეთა-მთიანეთის გუბერნატორი გოჩა ზეიკიძე და შპს „საქართველოს მელიორაციის“ გენერალური დირექტორი ლევან დვალი დაესწრნენ. ლევან დვალის განცხადებით დასახლებაში მოეწყობა 30 კილომეტრამდე წყალმიმყვანი მაგისტრალი და გამანაწილებელი ქსელი, რომელიც სარწყავი წყლით უზრუნველყოფს წეროვანის დასახლების თითოეულ ოჯახს.
| 
