ზოგადი უნარების გამოცდაში ბარიერი დაახლოებით 6000-მა აბიტურიენტმა ვერ გადალახა. ერთიანი ეროვნული გამოცდების პირველადი შედეგები უკვე ცნობილია. აბიტურიენტების შეფასებების გამოქვეყნება ზოგადი უნარებით დაიწყო. დაახლოებით 38 000  აბიტურიენტიდან, 16%-მა, გამოცდა ვერ ჩააბარა. ზოგადი უნარების ოთხი ვარიანტიდან ზღვარის გადასალახად აბიტურიენტს 80 ქულიდან 24-ის, ხოლო მესამე ვარიანტის შემთხვევაში, რომელიც შედარებით რთული იყო, 23 ქულის დაგროვება სჭირდებოდა. რაც შეეხება ერთიანი ეროვნული გამოცდების სხვასაგნების შედეგებს, ქულების ნახვა აბიტურიენტებს, პედაგოგებს, მაგისტრებსა და გრანტის გაზრდის მსურველ სტუდენტებს ეტაპობრივად შეეძლებათ.