ანაკლიაში „მომავლის ბანაკი“ საზეიმოდ გაიხსნა. გახსნის საზეიმო ცერემონიალს სპორტისა და ახალგაზრდობის საქმეთა მინისტრი ტარიელ ხეჩიკაშვილი, ბავშვთა და ახალგაზრდობის ეროვნული ცენტრის უფროსი გიგა გაბელაია, ცენტრალური და ადგილობრივი ხელისუფლების წარმომადგენლები დაესწრნენ. ბანაკის ლიდერებმა და დამსვენებლებმა ფლეშმობი და მუსიკალური ნომრები წარმოადგინეს. პირველ ნაკადში წელს 576 მოსწავლე მოხვდა. წელსვე, ანაკლიაში მოზარდების კიდევ 6 ნაკადს ელიან. ბანაკი სულ 2304 მოზარდს უმანსპინძლებს. ღრმაწყლოვანი პორტის მშენებლობის გამო, ანაკლიაში „მომავლის ბანაკი“ ბოლოჯერ შეიკრიბა. თუმცა, როგორც გაირკვა, ბანაკი გადაინაცვლებს სხვა ტერიტორიაზე და ამაზე უკვე მუშაობს სპორტისა და ახალგაზრდობის სამინისტრო. ღონისძიება გრანდიოზული ფოიერვერკით დასრულდა.