ვარშავაში დღეს პირველად ჩატარდება ნატო-საქართველოს კომისიის სხდომა, რომელსაც საგარეო საქმეთა მინისტრები დაესწრებიან. სხდომაზე რეზოლუციას მიიღებენ, რომელშიც საქართველოს მიერ ნატო-სთან დაახლოების კუთხით მიღწეული პროგრესი დაფიქსირდება. სამიტის ფარგლებში, თავდაცვის მინისტრების დონეზე, ურთიერთთავსებადობის პლატფორმის შეხვედრაც გაიმართება. სამიტის წინ თავდაცვის მინისტრი მოლოდინზე საუბრობს. თინა ხიდაშელი იმედოვნებს, რომ ნატო საქართველოს შავი ზღვის უსაფრთხოების ფორმატში ჩართვის გადაწყეტილებას მიიღებს. მინისტრი ასევე ელოდება, რომ საქართველო ალიანსის გაძლიერებული ჰაერსაწინააღმდეგო უსაფრთხოების ფორმატში ჩაერთვება.