ლეონიდ ჩერნოვეტსკის ფონდის დირექტორი, გიორგი ქვრივიშვილი ქობულეთში, გენერალ მაზნიაშვილის სახელობის პანსიონის დახურვას აპროტესტებს და შესაბამის სახელმწიფო უწყებებს გამოძიების დაწყებისკენ მოუწოდებს. მისი თქმით, უნდა გაირკვეს რეგიონში არსებული თურქული პანსიონების წარმომავლობა და გაატარონ შესაბამისი პროცედურები. გიორგი ქვრივიშვილმა აჭარაში არსებულ 50-მდე თურქული ბავშვთა სახლის ფუნქციონირება და ქობულეთში გენერალ მაზნიაშვილის დახურვის მიზეზებზე „კვირას“ პრეს-კლუბში ისაუბრა. მისი თქმით, ლეონიდ ჩერნოვეტსკის მიერ გახსნილი პანსიონის დახურვის მიზეზი გახდა ის, რომ ივნისში პარლამენტმა მიიღო კანონი, რომელიც სისხლის სამართლის პასუხისმგებლობას აკისრებს ყველა იმ არალიცენზირებულ დაწესებულებას, სადაც ბავშვთა სააღმზრდელო საქმიანობა მიმდინარეობს.
| 
