კონტროლის პალატის ყოფილი თავმჯდომარე სულხან მოლაშვილი გარდაიცვალა. როგორც მისი ოჯახის წევრები აცხადებენ, იგი დღეს, დილით პარიზში გარდაიცვალა. მათივე ინფორმაციით, გარდაცვალების მიზეზი ღვიძლის უკმარისობა გახდა. სულხან მოლაშვილი 47 წლის იყო. მოლაშვილს ბოლო რამდენიმე დღის განმავლობაში ჯანმრთელობის მდგომარეობა განსაკუთრებით დაუმძიმდა, რის გამოც პარიზის ერთ-ერთ კლინიკაში იყო მოთავსებული.
სულხან მოლაშვილი 1986-1987წწ შინაგან საქმეთა სამინისტროს სისტემაში მუშაობდა. ასევე იყო უზენაესი სასამართლოს ინსპექტორი. 1996 წლიდან ეროვნული უშიშროების საბჭოს აპარატის სამართალდაცვით ორგანოებთან ურთიერთობის განყოფილების წამყვანი სახელმწიფო მრჩეველი და საქართველოს კონტროლის პალატის თავმჯდომარე.
