ქიმიის საერთაშორისო ოლიმპიადისთვის მზადება აქტიურ ფაზაშია. ოლიმპიადა საქართველოს მთავრობის მხარდაჭერით, საქართველოში წელს პირველად ჩატარდება. „ოლიმპიადა 2016-ში“ მონაწილეობის მისაღებად, 2016 წლის 23 ივლისიდან 1 აგვისტომდე, საქართველოში 80 – მდე ქვეყნის 700-მდე წარმომადგენელი ჩამოვა. ოლიმპიადის მაღალ დონეზე ჩატარების უზრუნველყოფისთვის, საქართველოს განათლებისა და მეცნიერების სამინისტრო აქტიურად თანამშრომლობს ჯანდაცვის, ეკონომიკის, საგარეო და შინაგან საქმეთა სამინისტროებთან. პროცესებში აქტიურადაა ჩართული ტურიზმის დეპარტამენტიც.