კითხვაზე ხვალ რომ არჩევნები იყოს, ვის მისცემთ ხმას, გამოკითხულთა  უმრავლესობა - 63% ამბობს, რომ გადაწყვეტილება მიღებული ჯერ არ აქვს. ამის შესახებ "ეროვნულ-დემოკრატიული ინსტიტუტისა“ და "CRRC-საქართველოს“  მიერ ჩატარებული კვლევის პრეზენტაციაზე გახდა ცნობილი. რესპოდენტების 16%-მა "ქართული ოცნება“ მათ შეხედულებებთან ყველაზე ახლოს მდგომ პარტიად დაასახელა, 15% "ერთიან ნაციონალურ მოძრაობას“ ემხრობა, 5% კი - "ლეიბორისტულ პარტიასა“ და "საქართველოს პატრიოტთა ალიანსს“.  ხვალ რომ საპარლამენტო არჩევნები ტარდებოდეს, 15%-ი კოალიციას მისცემდა ხმას, 13% - "ნაციონალურ მოძრაობას“, 6% "თავისუფალ დემოკრატებს“, 4%- "ლეიბორისტულ პარტიას, 3 კი - "საქართველოს პატრიოტთა ალიანსს“, - ვკითულობთ დოკუმენტში.  კვლევა 2016 წლის 23 თებერვლიდან-14 მარტის პერიოდში ჩატარდა. გამოიკითხა 3 900 რესპოდენტი. კვლევაში საშუალო ცდომილების ზღვარი +/- 1,6%-ია.