გამოკითხულთა 64% მიიჩნევს, რომ პარლამენტარები მათ აზრს არ ითვალისწინებენ ან მათი პრობლემების გადასაჭრელად შესაბამის ზომებს არ იღებენ. ამის შესახებ "ეროვნულ-დემოკრატიული ინსტიტუტისა“ და "CRRC-საქართველოს“  მიერ ჩატარებული კვლევის პრეზენტაციაზე გახდა ცნობილი. პრობლემად დასახელდა ისიც, რომ მოსახლეობის მხოლოდ ერთ მესამედზე ნაკლებმა (31%)  იცის ვინ არის მისი მაჟორიტარი დეპუტატი. გარდა ამისა, მოქალაქეების 70%-მა არ იცის თუ როგორ დაუკავშირდეს მის წარმომადგენელს.  კვლევა 2016 წლის 23 თებერვლიდან-14 მარტის პერიოდში ჩატარდა. გამოიკითხა 3 900 რესპოდენტი. კვლევაში საშუალო ცდომილების ზღვარი +/- 1,6%-ია.