ცოტა ხნის წინ საოკუპაციო რეჟიმის წარმომადგენლებმა 2 ახალგაზრდა ამჯერად ქარელის მუნიციპალიტეტის სოფელ დვანიდან  გაიტაცეს. 18 და 20 წლის ბიჭების გატაცება  იმ დროს მოხდა, როდესაც ისინი ქართველი სამართალდამცველების კონტროლირებად ტერიტორიაზე კაკალს აგროვებდნენ. ადგილობრივებმა მომხდარის  შესახებ სამართალდამცველებს უკვე აცნობეს.  რაც შეეხება გორის მუნიციპალიტეტის სოფელ წითელუბნიდან რამდენიმე დღის წინ გატაცებულ მამაკაცებს, ბეღელური და კისიევი  დეფაქტო რეჟიმის წარმომადგენლებმა დღეს დილით ჯარიმის გადახდის  სანაცვლოდ გაათავისუფლეს.