"გუბერნატორის სახელით გავრცელებული განცხადება გარდა იმისა, რომ არის არადეკვატური, დამცინავიცაა, არამარტო "თრიალეთის" მიმართ, არამედ ზოგადად მედიის თავისუფლების კონტექსტში. გუბერნატორი წერს, რომ ქვეყნის მდგომარება მედიის თავისუფლების კუთხით საგრძნობლად არის გაუმჯობესებული. სწორედ ეს არის იმის მანიშნებელი რომ მას ადეკვატურობის განცდა დაკარგული აქვს, ამ განცხადების გავრცელება იმ ფონზე, როდესაც ზეწოლას განიცდის "რუსთავი 2", როდესაც "იმედზე" დაიხურა თოქ-შოუები მინიმუმ უხერხულია. რაც შეეხება "თრიალეთზე" განცხადებას ამის მერე არც ეს გაგვიკვირდა. ბოდიშს რომ ითხოვ უნდა გეკუთნოდეს. ნუ მანიპულირებს ქარტიის გადაწყვეტილებით, რადგან ქარტიას "თრიალეთი" არც ერთ სიუჟეტზე არ გაუმტყუნებია. ქარტიამ განიხილა პრემიერმინისტრის სახელზე გაგზავნილი ღია წერილი, რომელიც სოციალურ ქსელში გავრცელდა. წერილის ფორმიდან გამომდინარე, არ იყო მითითებული ის ფაქტი, რომ ჟურნალიტი შეეცადა გუბერნატორთან დაკავშირებას და მასთან ინფორმაციის გადამოწმებას, თუმცა არც ზურაბ რუსიშვილმა და არც თემასთან დაკავშირებულმა სხვა პირებმა ჟურნალიტის სატელეფონო ზარებს და მოკლე ტექსტურ შეტყობინებებს არ უპასუხეს.
ჟურნალისტური ეთიკის ქარტიის საბჭომ გამოიტანა გადაწყვეტილება რომ პრემიერმინისტრის სახელზე გავრცელებულ ღია წერილში "თრიალეთმა" ქარტიის პირველი მუხლი დაღვია. ჟურნალიტური ეთიკის ქარტიის საბჭომ ეთიკის პრინციპების მიხედვით განიხილა ღია წერილი და მას არ უმსჯელია აქვს თუ არა გუბერნატორს ბიზნესინტერესები"-წერს "თრიალეთი".
