ტ/კ "დია"-ს საინფორმაციო სამსახური 14 სექტემბრიდან მაყურებელს ახალ ამბებს დღეში 4-ჯერ შესთავაზებს. გამოშვებები ეთერში 13, 16, 19 და 22 საათზე გავა. სიახლეა ისიც, რომ 22 საათზე მაყურებელს საინფორმაციო ანალიტიკური გადაცემის "ათიანის" ნახვის საშუალება ექნება. რეგიონში განვითარებული მთავარი თემებით და სტუმრებით "ათიანი" ყოველ სამუშაო დღეს გავა პირდაპირ ეთერში. ტ/კ "დია"-ში ამ დრომდე მიმდინარეობს ახალი სტუდიის მოწყობა, საიდანაც ორშაბათიდან საინფორმაციო გამოშვებები გავა ეთერში. სიახლეა ისიც, რომ თოქ-შოუ "კვირის რეალობა" პირდაპირ ეთერს შაბათის ნაცვლად პარასკევს 20 საათზე დაიკავებს, თოქ-შოუს გიორგი ახალკაცი წაიყვანს.