„ერთიანი ნაციონალური მოძრაობა“  მიიჩნევს, რომ მთავრობაში განხორციელებული საკადრო ცვლილებები ქვეყანაში არსებულ გამოწვევებს არ პასუხობს. ამის შესახებ პარტიის აღმასრულებელმა მდივანმა საგანგებოდ გამართულ ბრიფინგზე განაცხადა.

სერგო რატიანი უარყოფითად აფასებს გიორგი კვირიკაშვილის საგარეო საქმეთა მინისტრის პოსტზე წარდგენას. დეპუტატის მტკიცებით, ეკონომიკის უწყებაში კვირიკაშვილის საქმიანობა  წარუმატებელი იყო და საგარეო საქმეთა სამინისტროში მის ნაყოფიერ მუშაობასაც გამორიცხავს.

რაც შეეხება, ეკონომიკის მინისტრის პოსტზე დიმიტრი ქუმსიშვილის წარდგენას,
„ნაციონალურ მოძრაობაში“ მიიჩნევენ, რომ მას შესაბამისი გამოცდილება და დამსახურება არ აქვს.

საკადრო ცვლილებების შესახებ 1 სექტემბერს მთავრობის კანცელარიაში გამართულ ბრიფინგზე გახდა ცნობილი. ირაკლი ღარიბაშვილმა ეკონომიკის მინისტრი გიორგი კვირიკაშვილი საგარეო უწყების მინისტრის პოსტზე,  კვირიკაშვილის ადგილზე კი თბილისის ვიცე მერი დიმიტრი ქუმსიშვილი. ჯერჯერობით, უცნობია რა თანამდებობაზე ვიხილავთ საგარეო უწყების ყოფილ მინისტრს თამარ ბერუჩაშვილს.