ჟურნალისტი გოგა აფციაური დღეს სოფელ ხურვალეთში განვითარებულ მოვლენებს ეხმაურება. მან განცხადება საკუთარ ფეიზბუკ გვერდზე გამოაქვეყნა რომელსაც უცვლელად გთავაზობთ. „სამწუხაროა რომ მე და ზოგიერთ ჩემს კოლეგას ჟურნალისტიკის არსი სხვადასხვანაირად გვესმის. აგრესია აგრესიით არ მარცხდება და უფრო დიდ აგრესიას შობს. დღეს ღამით სოფელში რუსები რომ შევარდნენ და ჯავრი იქაურებზე იყარონ, ვინ იქნება პასუხისმგებელი? ჟურნალისტიკის ფუნქცია არ არის აპროტესტოს პოლიტიკური საკითხები. ამ შემთხევევაში გვინდა თუ არა რომელიღაცა პოლიტიკური ან სახელმწიფო ხელისუფლების ბანაკის წევრები ვხდებით, აქედან კი პროპაგანდამდე აღარაფერი რჩება, პროპაგანდა კი პირდაპირი გაგებით კლავს. უკვე ვიცი რა კომენტარებიც წამოვა, თქვენი პატრიოტული გრძნობებიც მესმის და გულწრფელად მჯერა რომ გიყვართ სამშობლო, მაგრამ ეს უფრო სამოქალაქო პოზიციიდან უნდა იყოს და არა ჟურნალისტიკის საზომიდან. ჭეშმარიტება უფრო მაღლა დგასო- მამარდაშვილმა.“- წერს გოგა აფციაური. შეგახსენებთ დღეს ქართველმა ჟურნალისტებმა სოფელ ხურვალეთში აქცია გამართეს, მათ ოკუპაცია გააპროტესტეს და რუსი სამხედროების მიერ აღმართული ე.წ. საზღვრის მანიშნებელი აბრა მოხსნეს.