"მინდა მივუსამძიმრო სტიქიის შედეგად გარდაცვლილთა ოჯახის წევრებს და გამოვთქვა ღრმა მწუხარება დატრიალებული ტრაგედიის გამო. ამ ეტაპზე მობილიზებულია ქალაქ გორის მუნიციპალიტეტის მერიის ყველა სამსახური. მუშაობას იწყებს სამობილიზაციო შტაბი, რომელიც ყველა შესაძლო დახმარებას აღმოუჩენს დაზარალებულ მოსახლეობას. ჩვენ გვაქვს მუდმივი კომუნიკაცია, როგორც თბილისის მერიის წარმომადგენლებთან, ასევე ზოოპარკის ხელმძღვანელობასთან. საჭიროების შემთხვევაში მზად ვართ შევიფაროთ რამოდენიმე ცხოველი კულტურისა დასვენების პარკ „ახლაბაღში“ არსებულ ზოოპარკში. მივმართავ ყველა გორელს და მოვუწოდებ დახმარების ხელი გაუწოდოს დაზარალებულ თბილისელებს."-აცხადებს ჯირკველიშვილი, მისივე ცნობით მუნიციპალიტეტის შენობაში ფუნქციონირებს შტაბი, სადაც მსურველებს შეუძლიათ მიიტანონ ტანსაცმელი, ნივთები და პროდუქტები. დახმარების მსურველებს საშუალება გაქვთ, დაუკავშირდეთ ადგილობრივ მუნიციპალიტეტს ტელეფონებზე: 599 85 53 18; 599 85 17 88