ბაქოში, აზადლიგის ქუჩაზე, 9-სართულიანი კორპუსი იწვის. კორპუსის მცხოვრებლების ინფორმაციით, ხანძარი სახლის პირველ სართულზე გაჩნდა და რამდენიმე წუთში მთლიანად მთელ სახლზე გავრცელდა. კორპუსში 54 ოჯახი ცხოვრობს. ამ დროისთვის არსებული ინფორმაციით, დაღუპულია 15 და დაშავებულია 61 ადამიანი, 54 ადამიანი საავადმყოფოშია გადაყვანილი. დაღუპულთა შორის ერთი მცირეწლოვანი ბავშვია. ამ დროისთვის ხანძარი ლიკვიდირებულია. ადგილობრივი სააგენტოების ინფორმაციით, ცეცხლი კორპუსის პლასტიკურ მოსაპირკეთებელ მასალას მოედო. ბაქოში, ამ თვეში, მსგავსი ფაქტი უკვე მეორედ მოხდა.