საქართველოს კათოლიკოს-პატრიარქი, უწმნიდესი და უნეტარესი ილია მეორე ავსტრიის პრეზიდენტს ჰაინც ფიშერს შეხვდა. შეხვედრაზე ავტრიის პირველი პირი დაინტერესდა, თუ რას ფიქრობს პატრიარქი ქვეყნის ევროპულ არჩევანზე და საქართველო-რუსეთის ეკლესიებს შორის ურთიერთობაზე. როგორც ილია მეორემ ბრძანა, საქართველოს არჩეული აქვს ევროპის გზა. „საქართველოს სურს, რომ გახდეს ევროპის დემოკრატიული სტრუქტურების ნაწილი და მისი წევრი. ჩვენი არჩევანი ძალიან მტკიცეა და აუცილებლად მივაღწევთ ამას. რაც შეეხება ეკლესიებს შორის ურთიერთობას, რთული ურთიერთობაა. რუსეთს არ სჭირდება აფხაზეთი, რუსეთს სჭირდება მშვიდობიანი საქართველო“, - ბრძანა პატრიარქმა. წყარო: newposts.ge