კასპის პოლიციის თანამშრომლები, რომლებსაც ზვიად ფეიქრიშვილი ძალადობაში ადანაშაულებდა, სამსახურიდან გათავისუფლდნენ. ამის შესახებ „ნიუპოსტს“ თავად ფეიქრიშვილმა განუცხადა. მისი თქმით, ლევან ბაისონაშვილს, მურად ბარნოვს, მიხეილ მიგრიაულს და ამირან ქასოშვილს უფლებამოსილება რამდენიმე დღის წინ შეუწყდათ.„ამ ეტაპზე ველოდები ექსპერტიზის შედეგებს ველოდები იმისთვის, რომ დაზარალებულად მცნონ და საქმე აღიძრას. გორში ვიყავი, საქმის გამომძიებელს შევხვდი, რომელმაც მითხრა, რომ ისინი სამსახურიდან გაუშვეს. ექსპერტიზის შედეგად უნდა დამტკიცდეს, რომ ნამდვილად მათ მომაყენეს ფიზიკური შეურაცხყოფა“, - აცხადებს ფეიქრიშვილი. შეგახსენებთ, რამდენიმე კვირის წინ გავრცელდა ინფორმაცია, რომ პოლიციელები კასპის მცხოვრებ ზვიად ფეიქრიშვილს სასტიკად გაუსწორდნენ. როგორც ზვიად ფეიქრიშვილი ჰყვებოდა, კასპის პოლიციის ოთხმა თანამშრომლემა საქმის გასარჩევად სასაფლაოს ტერიტორიაზე წაიყვანა. ფეიქრიშვილი ამბობდა, რომ სამართალდამცველი ლევან ბაისონაშვილი მის მეუღლესთან, მაია დალაქიშვილთან რომანის გაბმას ცდილობდა. წყარო: newposts.ge