გემზე, რომელიც ლიბიაში დაბომბეს, საქართველოს 6 მოქალაქე იმყოფება. დაღუპულია კაპიტანი, დაჭრილია რამდენიმე მეზღვაური. საქართველოს საზღვაო სატრანსპორტო სააგენტოს ინფორმაციით, ქართველი მეზღვაურები არ დაზარალებულან. თურქულ სატვირთო გემზე სახმელეთო და საჰაერო იერიში ლიბიის სანაპიროსთან, ქალაქ თობრუკის პორტთან მაშინ მიიტანეს, როცა ხომალდი ტერიტორიას ტოვებდა. ინფორმაციას, თურქეთის საგარეო საქმეთა სამინისტროზე დაყრდნობით, სააგენტო „როიტერი“ ავრცელებს. თურქული კომპანიის კუთვნილი ხომალდი ესპანეთისაკენ მიემგზავრებოდა. ლაინერი საერთაშორისო წყლებში დაცურავდა. პირველ განცხადებას აკეთებს ლიბიის ხელისუფლება. სამხედრო უწყება ადასტურებს ინფორმაციას, რომ თურქული გემი დაიბომბა. მათი ინფორმაციით, სროლის გადაწყვეტილება მათ მას შემდეგ მიიღეს, რაც ხომალდის კაპიტანმა არ გაითვალისწინა გაფრთხილება, არ მიახლოებოდა პორტს, რომელსაც მათი ინფორმაციით, ისლამისტები აკონტროლებენ. წყარო: 1 არხი.