"სულ ტყუილად ატეხეთ აჟიოტაჟი, ნუ ქმნით არასტაბილურობის განცდას,"- ეს განცხადება დღეს პრემიერ-მინისტრმა, ირაკლი ღარიბაშვილმა, ჟუნრალისტებთან საუბრისას გააკეთა. "სულ ტყუილად ატეხეთ აჟიოტაჟი. მინდა, მოგიწოდოთ ყველას, ხელოვნურად ნუ ეცდებით, რომ არასტაბილურობის განცდა გააჩინოთ. თუ საჭირო იქნება პარლამენტის ხელახალი ნდობის მოპოვება, არც ეს იქნება პრობლემა. შეგახსენებთ, რომ ივლისში, როცა 7 მინისტრი გამოვცვალე, მთავრობამ ხელახლა მოიპოვა პარლამენტის ნდობა. ეს არის აბსოლუტურად გამჭვირვალე, დემოკრატიული და მუშა პროცესი. მთავრობა საჭიროებს მუდმივად განახლებას. ასე რომ, არაფერი სასკანდალო, მინდა თქვენ გახაროთ, არ არის. ყველაფერი ძალიან კარგადაა. მინდა, დაგიდასტუროთ და მოსახლეობას ვუთხრათ, რომ არაფერი სერიოზული არ ხდება. ერთი მინისტრი წავა, მეორე დაინიშნება. შეიძლებ სხვა მინისტრიც წავიდეს," - განაცხადა ირაკლი ღარიბაშვილმა ჟუნრალისტებთან საუბრისას.