რამდენემე წუთის წინ dianews.ge -ს ვებ-გვერდზე განხორციელდა ჰაკერული თავდასხმა, რის გამოც ამ ეტაპზე პარალიზებულია საიტის მუშაობა. ვებ-გვერდის ტექნიკური ჯგუფის ინფორმაციით, გვერდიდან წაშლილია ყველა ფაილი. dianews.ge-ს გვერდის გახსნისას ეკრანზე ჩნდება ექსპრეზიდენტ მიხეილ სააკაშვილის ფოტო ინგლისურენოვანი წარწერით „მე დავბრუნდები“. მსგავსი კიბერ თავდასხმა პრეზიდენტის ადმინისტაციის ვებგვერდსა და „რადიო თავისუფლების" საიტზეც განხორციელდა. „რადიო თავისუფლებამ“ ვებგვერდის კოპირება მოასწრო.