ტელეჟურნალისტ გიორგი სანაიას გარდაცვალებიდან დღეს 18 წელი გავიდა.

რუსთავი 2-ის ჟურნალისტი 2001 წლის 26 ივლისს მოკლული იპოვეს. მისი მკვლელობისთვის დაკავებული გრიგოლ ხურცილავა კი 6 წლის წინ, საყოველთაო ამნისტიის შედეგად გაათავისუფლეს.

მოკლული ჟურნალისტის ოჯახის წევრები, მეგობრები და მისი კოლეგები ტრადიციულად მის საფლავზე შეიკრიბებიან. 

17 წლის შემდეგ მთავარმა პროკურატურამ ჟურნალისტ გიორგი სანაიას მკვლელობის საქმეზე ხელახალი გამოძიება დაიწყო. ამის საფუძველი პატიმარ კოტე ციხისთავის სკანდალური ინტერვიუ გახდა, რომელიც შოთაძის უწყებამ ახლად გამოვლენილ გარემოებად მიიჩნია და ამ სკანდალურ საქმეზე დაკითხვების სერია დაიწყო.

 რუსთავი 2-ში გიორგი სანაიას მიჰყავდა იმ დროისათვის ყველაზე პოპულარული თოქ-შოუ „ღამის კურიერი“.