ეროვნული ბანკის ინფორმაციით, 23 ივლისის სავალუტო ვაჭრობის შედეგად, ლარი დოლართან მიმართებით 1.40 თეთრით გაუფასურდა და ოფიციალური კურსით, ერთი აშშ დოლარი 2.8971 ლარი ეღირება.

ლარი მცირედით გაუფასურდა ევროსთან მიმართებითაც. გაუფასურებამ 0.33 თეთრი შეადგინა და ერთი ევრო 3.2390 ლარი ეღირება ოფიციალური კურსით. ლართან მიმართებით გამყარდა ბრიტანული ფუნტი და თურქული ლირაც.

უკვე ერთ თვეზე მეტია, ლარის კურსს გაუფასურების ტენდენცია აქვს. ივნისის პირველ ნახევართან შედარებით, ეროვნული ვალუტა თითქმის 15 თეთრით გაუფასურდა, 9 ივლისს კი დოლართან მიმართებით ოფიციალური კურსის 2.90-ზე ასვლით ისტორიული ანტირეკორდი დაამყარა.