გორის მუნიციპალიტეტში, საოკუპაციო ხაზთან მდებარე 3 სოფელში საგზაო ინფრასტრუქტურა ეწყობა. რეგიონებში განსახორციელებელი პროექტების ფონდის ფინანსური მხარდაჭერით დიცში, ქორდსა და არბოში, 7 კილომეტრიანი საავტომობილო გზის მოასფალტების და სანიაღვრე სისტემის სამუშაოები მიმდინარეობს. სამუშაოები საქართველოს რეგიონული განვითარებისა და ინფრასტრუქტურის მინისტრის მოადგილემ ადგილობრივი ხელისუფლების წარმომადგენლებთან ერთად დაათვალიერა. სამუშაოების დათვალიერების შემდეგ, ცენტრალური და ადგილობრივი ხელისუფლების წარმომადგენლები მოსახელობასაც შეხვდნენ და არსებულ ვითარებას გაეცნენ.
| 
