სამშაბათს, 16 ივლისს ჩრდილო-დასავლეთ სირიის ერთ-ერთ სოფელში სირიის საჰაერო რაზმის მიერ ჩამოგდებული ბომბების შედეგად სულ მცირე 12 ადამიანი გარდაიცვალა და მრავალი დაიჭრა.

ადგილობრივებმა და მაშველებმა განაცხადეს, რომ მარ შორინის სოფელში თვითმფრინავებმა ბომბები ისროლეს. აქტივისტების მიერ გავრცელებულ ვიდეოებში ჩანს ადამიანთა გვამები, გარდა ამისა, ჩანს დაზარალებული ხალხი, რომლებსაც დაბომბვის შედეგად მრავლობითი დაზიანებები მიადგათ.

მათივე განცხადებით, 2 თვის წინ ჩრდილო-დასავლეთ სირიაში რუსეთის თავდასხმების შედეგად ასობით მოქალაქე დაიღუპა.

სირიის სახელმწიფო მედიამ განაცხადა, რომ სამშაბათს სოფელ მარ შორინში არმიამ ბომები ალ-ქაიდას მებრძოლების მიმართულებით ჩამოაგდო, რათა მათი ბაზები გაენადგურებინათ და მათივე თქმით, ტერორისტები მოეკლათ.

სირიის ადიანის უფლებათა ორგანიზაციამ კი განაცხადა, რომ 11 კვირის განმავლობაში რუსეთ-სირიის ალიანსმა 31 სამოქალაქო დაცვის ინსტიტუტს, 37 სამედიცინო ცენტრსა და 81 სკოლას ბომბები დამიზნებით ესროლა.

მათივე განცხადებით, ამ ქმედებების შედეგად 606 მოქალაქე გარდაიცვალა, მათ შორის 157 მცირეწლოვანი.