კასპის მუნიციპალიტეტში, ეთნიკური აზერბაიჯანელებით დასახლებულ სოფელ ჩანგილარის მოსახლეობამ საპროტესტო აქცია ავტობანზე გამართა. ადგილობრივები ამბობენ, რომ სახელმწიფომ მათ სოფელში შესასვლელი ის გზა გადაუკეტა, რომლითაც ისინი წლებია სარგებლობდნენ. მათივე თქმით, მაგისტრალზე დამცავი კონსტრუქციის დამონტაჟების შემდეგ სოფლამდე მისასვლელად 3 კილომეტრით უფრო გრძელი გზის გავლა უწევთ.